O‘zbekiston Respublikasi Prezidentining
Farmoni
Maktabgacha va maktab ta’limi sohasida davlat boshqaruvi tizimini takomillashtirish chora-tadbirlari to‘g‘risida
Maktabgacha va maktab ta’limida yaxlit davlat boshqaruvi tizimini tashkil qilish, ushbu sohadagi dolzarb muammolarni samarali hal etish, davlat va nodavlat maktabgacha ta’lim tashkilotlari faoliyatini yanada rivojlantirish hamda maktabgacha ta’lim yo‘nalishida belgilangan maqsadli ko‘rsatkichlarga erishishni ta’minlash maqsadida:
1. Maktabgacha va maktab ta’limi vazirligining Maktabgacha ta’lim agentligi (keyingi o‘rinlarda — Agentlik) faoliyatini tugatish hamda Agentlikning tashkiliy tuzilmasidagi tashkilotlarni 1-ilovaga muvofiq vazirlik tasarrufiga o‘tkazish to‘g‘risidagi taklifiga rozilik berilsin.
2. Maktabgacha va maktab ta’limi vazirligi zimmasiga quyidagi qo‘shimcha funksiyalarni bajarish yuklatilsin:
ilg‘or xorijiy tajribani hisobga olgan holda maktabgacha yoshdagi bolalarni har tomonlama intellektual, axloqiy, estetik va jismoniy rivojlantirish uchun shart-sharoitlar yaratish;
maktabgacha ta’lim va tarbiya jarayoniga zamonaviy innovatsion pedagogik texnologiyalarni, ta’lim va tarbiyaning samarali shakllari hamda usullarini joriy etish;
maktabgacha ta’limning o‘quv reja, dastur va o‘quv-metodik majmualarini takomillashtirish, ularning umumiy o‘rta ta’lim dasturlari bilan uzviyligini ta’minlash;
davlat va nodavlat maktabgacha ta’lim tashkilotlari orasida sog‘lom raqobat muhitini yaratish hisobiga barcha bolalarning maktabgacha ta’lim bilan bosqichma-bosqich qamrab olinishini ta’minlash;
nodavlat va davlat-xususiy sheriklik asosidagi maktabgacha ta’lim tashkilotlari tarmog‘ini kengaytirish, ularga qonunchilik hujjatlariga muvofiq subsidiya va kompensatsiyalar ajratish, berilayotgan davlat ko‘magining samarali va maqsadli ishlatilishi ustidan ta’sirchan nazoratni o‘rnatish;
maktabgacha ta’lim tashkilotlari tarbiyalanuvchilarining ratsional va belgilangan me’yorlar asosida sog‘lom va to‘g‘ri ovqatlanishini ta’minlash;
sohada zamonaviy axborot texnologiyalarini qo‘llash, boshqaruv jarayonlarini raqamlashtirish va hujjatlar aylanmasini qisqartirish orqali maktabgacha ta’lim xizmatlari sifatini oshirish.
3. Maktabgacha ta’lim tizimida amalga oshirilayotgan islohotlarni izchil davom ettirish maqsadida Agentlik faoliyatini tugatish natijasida maqbullashtiriladigan 66 ta shtat birliklari quyidagicha taqsimlansin:
39 ta shtat birligi — Maktabgacha va maktab ta’limi vazirligining markaziy apparatiga;
14 ta shtat birligi — Qoraqalpog‘iston Respublikasi Maktabgacha va maktab ta’limi vazirligi, viloyatlar va Toshkent shahar maktabgacha va maktab ta’limi boshqarmalariga;
13 ta shtat birligi — Qoraqalpog‘iston Respublikasi va viloyatlar pedagogik mahorat markazlarining metodik xizmat ko‘rsatish bo‘limlariga berilsin.
4. Belgilansinki, Maktabgacha va maktab ta’limi vazirligi Agentlikning huquqlari, majburiyatlari va shartnomalari, shu jumladan xalqaro shartnomalari bo‘yicha huquqiy vorisi hisoblanadi.
5. Agentlikning Toshkent shahri, Mirobod tumani, Amir Temur shoh ko‘chasi, 17-uy manzilidagi bino-inshootlari operativ boshqaruv huquqi asosida Ijtimoiy himoya milliy agentligiga berilsin.
6. O‘zbekiston Respublikasi Prezidentining va O‘zbekiston Respublikasi Hukumatining ayrim hujjatlariga 2-ilovaga muvofiq o‘zgartirishlar va qo‘shimcha kiritilsin.
7. Maktabgacha va maktab ta’limi vazirligi boshqa manfaatdor vazirlik va idoralar bilan birgalikda uch oy muddatda qonunchilik hujjatlariga ushbu Farmondan kelib chiqadigan o‘zgartirish va qo‘shimchalar to‘g‘risida Vazirlar Mahkamasiga takliflar kiritsin.
8. Mazkur Farmonning ijrosini nazorat qilish O‘zbekiston Respublikasi Bosh vaziri A.N. Aripov zimmasiga yuklansin.
O‘zbekiston Respublikasi Prezidenti Sh. MIRZIYOYEV
Toshkent sh.,
2024-yil 2-iyul,
PF-98-son
O‘zbekiston Respublikasi Prezidentining 2024-yil 2-iyuldagi PF-98-son Farmoniga
1-ILOVA
Maktabgacha ta’lim agentligi tashkiliy tuzilmasidan Maktabgacha va maktab ta’limi vazirligi tasarrufiga o‘tkazilayotgan tashkilotlar ro‘yxati

1.

Toshkent shahridagi “A.I. Gersen nomidagi Rossiya davlat pedagogika universiteti” Federal davlat budjeti oliy ta’lim muassasasi filiali

2.

Toshkent shahridagi Puchon universiteti

3.

“Imkon” reabilitatsiya markaziga ega davlat ko‘p tarmoqli ixtisoslashtirilgan maktabgacha ta’lim tashkilotlari*

4.

Eksperimental davlat maktabgacha ta’lim tashkilotlari

5.

“Ilk Qadam” (IQ) jurnali tahririyati” DUK

6.

Pedagogika kollejlari

7.

“Axborot va pedagogika texnologiyalari innovatsion markazi” MChJ

8.

Jahon banki bilan hamkorlikda “Bolalarni erta yoshdan rivojlantirishni takomillashtirish” loyihasini amalga oshirish guruhi

9.

Ixtisoslashtirilgan loyiha-izlanish instituti

* O‘zbekiston Respublikasi Prezidentining 2023-yil 1-iyundagi “Aholiga sifatli ijtimoiy xizmat va yordam ko‘rsatish hamda uning samarali nazorat tizimini yo‘lga qo‘yish bo‘yicha kompleks chora-tadbirlar to‘g‘risida”gi PF-82-son Farmoniga muvofiq 2024-yil 1-avgustdan boshlab “Imkon” reabilitatsiya markaziga ega davlat ko‘p tarmoqli ixtisoslashtirilgan maktabgacha ta’lim tashkilotlari O‘zbekiston Respublikasi Prezidenti huzuridagi Ijtimoiy himoya milliy agentligi tuzilmasiga o‘tkaziladi.
O‘zbekiston Respublikasi Prezidentining 2024-yil 2-iyuldagi PF-98-son Farmoniga
2-ILOVA
O‘zbekiston Respublikasi Prezidentining va O‘zbekiston Respublikasi Hukumatining ayrim hujjatlariga kiritilayotgan o‘zgartirishlar va qo‘shimcha
1. O‘zbekiston Respublikasi Prezidentining 2023-yil 25-yanvardagi “Respublika ijro etuvchi hokimiyat organlari faoliyatini samarali yo‘lga qo‘yishga doir birinchi navbatdagi tashkiliy chora-tadbirlar to‘g‘risida”gi PF-14-son Farmonida:
a) 1-ilovaning “13. Maktabgacha va maktab ta’limi vazirligi” bo‘limi quyidagi tahrirda bayon etilsin:

“

13. Maktabgacha va maktab ta’limi vazirligi

Maktabgacha va maktab ta’limi vazirligi

4 202

4 202

shu jumladan vazir o‘rinbosarlari soni

4

4

Ixtisoslashtirilgan ta’lim muassasalari agentligi

73

73

shu jumladan direktor o‘rinbosarlari soni

2

2

”;

b) 2-ilovadan 13-bandning 13.1-kichik bandi chiqarib tashlansin;
v) 2a-ilovadan 13.1-pozitsiya chiqarib tashlansin.
2. O‘zbekiston Respublikasi Prezidentining 2023-yil 26-maydagi “Maktabgacha va maktab ta’limi vazirligi hamda uning tizimidagi tashkilotlar faoliyatini samarali tashkil etish chora-tadbirlari to‘g‘risida”gi PF-79-son Farmonida:
a) 1-bandda:
beshinchi xatboshi chiqarib tashlansin;
oltinchi — sakkizinchi xatboshilar tegishlicha beshinchi — yettinchi xatboshilar deb hisoblansin;
b) 15-bandning birinchi xatboshisidan “, maktabgacha va maktab ta’limi vazirining birinchi o‘rinbosari — Maktabgacha ta’lim agentligi direktori A.V. Shin” so‘zlari chiqarib tashlansin;
v) 3-ilovaning matni quyidagi tahrirda bayon etilsin:
“Maktabgacha va maktab ta’limi vazirligining tashkiliy tuzilmasi

Maktabgacha va maktab ta’limi vazirligi

Respublika ta’lim markazi

A. Avloniy nomidagi pedagogik mahorat milliy instituti

“Boshlang‘ich ta’lim” jurnali tahririyati” davlat korxonasi, “Til va adabiyot ta’limi”, “Prepodavaniye yazika i literaturi”, “Language and literature teaching” jurnallari tahririyati” davlat korxonasi, “Ma’rifat” va “Uchitel Uzbekistana” gazetalari tahririyati, “Xalq ta’limi” jurnali tahririyati” davlat korxonasi, “Tong yulduzi” gazetasi tahririyati, “Klass” gazetasi tahririyati, “G‘uncha” jurnali tahririyati, “Gulxan” jurnali tahririyati, “Ilk Qadam” (IQ) jurnali tahririyati” DUK

“Ta’minot va logistika xizmati” DUK, “Innovatsiya, texnologiya va strategiya markazi” DUK

Nizomiy nomidagi Toshkent davlat pedagogika universiteti va uning huzuridagi akademik litsey, Toshkent shahridagi “A.I. Gersen nomidagi Rossiya davlat pedagogika universiteti” Federal davlat budjeti oliy ta’lim muassasasi filiali, To�kent shahridagi Puchon universiteti, Respublika pedagogik ta’lim resurs markazi (kutubxona), Oliy ta’lim muassasalari pedagog kadrlarini qayta tayyorlash va ularning malakasini oshirish tarmoq markazi, Namangan va Xo‘jayli xizmat ko‘rsatish va servis texnikumlari, Qori Niyoziy nomidagi Tarbiya pedagogikasi milliy instituti va uning Qoraqalpog‘iston Respublikasi filiali, pedagogika kollejlari, eksperimental davlat maktabgacha ta’lim tashkilotlari, nodavlat maktabgacha ta’lim tashkilotlari

Maktabgacha ta’lim tashkilotlari direktor va mutaxassislarini qayta tayyorlash va ularning malakasini oshirish instituti

“Axborot va pedagogika texnologiyalari innovatsion markazi” MChJ

Pedagogik mahorat markazlari

“O‘zbekiston” nashriyot-matbaa ijodiy uyi” MChJ, “G‘afur G‘ulom nomidagi nashriyot-matbaa ijodiy uyi” MChJ

O‘quvchilarni kasb-hunarga yo‘naltirish va psixologik-pedagogik respublika tashxis markazi

“Imkon” reabilitatsiya markaziga ega davlat ko‘p tarmoqli ixtisoslashtirilgan maktabgacha ta’lim tashkilotlari*, “Mehrli maktab” davlat ta’lim muassasasi, Respublika sog‘lomlashtirish oromgohi

“Barkamol avlod” respublika bolalar maktabi

Respublika o‘quvchi yoshlar markazi

O‘zbekiston “Yoshlik” jismoniy tarbiya va sport jamiyati

Ixtisoslashtirilgan loyiha-izlanish instituti

Respublika o‘g‘il bolalar o‘quv-tarbiya muassasasi*, Respublika qiz bolalar o‘quv-tarbiya muassasasi*

Jahon banki bilan hamkorlikda “Bolalarni erta yoshdan rivojlantirishni takomillashtirish” loyihasini amalga oshirish guruhi

Ta’lim sohasidagi islohotlarga ko‘maklashish jamg‘armasi

Ixtisoslashtirilgan ta’lim muassasalari agentligi

Qoraqalpog‘iston Respublikasi Maktabgacha va maktab ta’limi vazirligi, viloyatlar va Toshkent shahar maktabgacha va maktab ta’limi boshqarmalari

Hududiy boshqarmalar tasarrufidagi umumiy o‘rta va maktabdan tashqari ta’lim muassasalari

Qoraqalpog‘iston Respublikasi Ta’lim markazi

Bolalar kutubxonalari

Tuman (shahar) maktabgacha va maktab ta’limi bo‘limlari

Umumiy o‘rta ta’lim tashkilotlari

Maktabgacha ta’lim tashkilotlari

Maktabdan tashqari ta’lim tashkilotlari

* O‘zbekiston Respublikasi Prezidentining 2023-yil 1-iyundagi “Aholiga sifatli ijtimoiy xizmat va yordam ko‘rsatish hamda uning samarali nazorat tizimini yo‘lga qo‘yish bo‘yicha kompleks chora-tadbirlar to‘g‘risida”gi PF-82-son Farmoniga muvofiq 2024-yil 1-avgustdan boshlab O‘zbekiston Respublikasi Prezidenti huzuridagi Ijtimoiy himoya milliy agentligi tuzilmasiga o‘tkaziladi”;
g) 4-ilova o‘z kuchini yo‘qotgan deb hisoblansin.
3. O‘zbekiston Respublikasi Prezidentining 2018-yil 5-apreldagi “Maktabgacha ta’lim tizimini yanada rag‘batlantirish va rivojlantirish chora-tadbirlari to‘g‘risida”gi PQ-3651-son qarorida:
a) 5-bandning uchinchi xatboshisidagi “narxining 50 foizi miqdorida” so‘zlari “uchun qonunchilikda belgilangan tartibda” so‘zlari bilan almashtirilsin;
b) 1-ilovada:
47-bandning uchinchi xatboshisidagi “25 foizi” so‘zlari “20 foizi” so‘zlari bilan almashtirilsin;
58-bandning uchinchi xatboshisidagi “25 foizi” so‘zlari “20 foizi” so‘zlari bilan almashtirilsin;
98-banddagi “35 foizi” so‘zlari “25 foizi” so‘zlari bilan almashtirilsin;
103-band quyidagi tahrirda bayon etilsin:
“103. Davlat sherigi zimmasiga loyihani amalga oshirishda qo‘shimcha ravishda quyidagilarni ta’minlash yuklatiladi:
a) 2024-yil 1-avgustdan boshlab Toshkent shahrida faoliyat yuritayotgan oilaviy nodavlat maktabgacha ta’lim tashkilotlari tomonidan yollangan tarbiyachi va tarbiyachi yordamchilariga 9 soatlik davlat maktabgacha ta’lim tashkilotlarida ushbu xodimlar uchun belgilangan miqdorlarda ish haqi to‘lash;
b) 2024-yil 1-avgustdan boshlab Qoraqalpog‘iston Respublikasi va viloyatlarning 1 va 2-toifadagi tuman (shahar)larida faoliyat yuritayotgan oilaviy nodavlat maktabgacha ta’lim tashkilotlarga:
ular tomonidan yollangan tarbiyachi va tarbiyachi yordamchilariga 9 soatlik davlat maktabgacha ta’lim tashkilotlarida ushbu xodimlar uchun belgilangan ish haqining 75 foizi miqdorida haq to‘lash;
ularda ta’lim olayotgan har bir bolani davlat maktabgacha ta’lim tashkilotlari uchun belgilangan normativlar bo‘yicha ovqatlantirish, yumshoq jihozlar (matraslar, yostiqlar, ko‘rpalar, choyshablar, ko‘rpa va yostiq jildlari, yoping‘ichlar, qop-ko‘rpa) hamda dori-darmonlar bilan ta’minlash xarajatlarining 75 foizini qoplash;
v) 2024-yil 1-avgustdan 2025-yil 1-yanvarga qadar 3-toifadagi tuman (shahar)larda faoliyat yuritayotgan oilaviy nodavlat maktabgacha ta’lim tashkilotlarga:
ular tomonidan yollangan tarbiyachi va tarbiyachi yordamchilariga 9 soatlik davlat maktabgacha ta’lim tashkilotlarida ushbu xodimlar uchun belgilangan ish haqining 90 foizi miqdorida haq to‘lash;
ularda ta’lim olayotgan har bir bolani davlat maktabgacha ta’lim tashkilotlari uchun belgilangan normativlar bo‘yicha ovqatlantirish, yumshoq jihozlar (matraslar, yostiqlar, ko‘rpalar, choyshablar, ko‘rpa va yostiq jildlari, yoping‘ichlar, qop-ko‘rpa) hamda dori-darmonlar bilan ta’minlash xarajatlarining 90 foizini qoplash;
g) 2025-yil 1-yanvardan boshlab 3-toifadagi tuman (shahar)larda faoliyat yuritayotgan oilaviy nodavlat maktabgacha ta’lim tashkilotlarga:
ular tomonidan yollangan tarbiyachi va tarbiyachi yordamchilariga 9 soatlik davlat maktabgacha ta’lim tashkilotlarida ushbu xodimlar uchun belgilangan ish haqining 85 foizi miqdorida haq to‘lash;
ularda ta’lim olayotgan har bir bolani davlat maktabgacha ta’lim tashkilotlari uchun belgilangan normativlar bo‘yicha ovqatlantirish, yumshoq jihozlar (matraslar, yostiqlar, ko‘rpalar, choyshablar, ko‘rpa va yostiq jildlari, yoping‘ichlar, qop-ko‘rpa) hamda dori-darmonlar bilan ta’minlash xarajatlarining 85 foizini qoplash;
d) 4 va 5-toifadagi tuman (shahar)larda faoliyat yuritayotgan oilaviy nodavlat maktabgacha ta’lim tashkilotlarga:
ular tomonidan yollangan tarbiyachi va tarbiyachi yordamchilariga 9 soatlik davlat maktabgacha ta’lim tashkilotlarida ushbu xodimlar uchun belgilangan miqdorlarda ish haqini to‘lash;
ularda ta’lim olayotgan har bir bolani davlat maktabgacha ta’lim tashkilotlari uchun belgilangan normativlar bo‘yicha ovqatlantirish, yumshoq jihozlar (matraslar, yostiqlar, ko‘rpalar, choyshablar, ko‘rpa va yostiq jildlari, yoping‘ichlar, qop-ko‘rpa) hamda dori-darmonlar bilan ta’minlash xarajatlarini qoplash;
e) 2021-yil 1-maydan boshlab boquvchisini yo‘qotgan ayollar farzandlarining ota-onalar badali to‘lovlarini tegishli hududdagi 9 soatlik davlat maktabgacha ta’lim tashkilotlari uchun belgilangan miqdorlarda qoplash;
j) maktabgacha ta’lim tuman bo‘limi tomonidan uslubiy yordam ko‘rsatish;
z) Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari, tuman (shahar) hokimliklari bilan birgalikda ta’lim tashkilotini maktabgacha ta’lim tashkilotlari uchun mo‘ljallangan mebel, ashyo va anjomlar bilan jihozlashga ko‘maklashish;
i) jihozlar, asbob-uskunalar va o‘quv materiallarini foydalanishga berish;
k) tegishli qishloq vrachlik punktidan yoki qishloq oilaviy poliklinikasidan tibbiyot xodimini biriktirish;
l) oilaviy nodavlat maktabgacha ta’lim tashkilotlarini hududiy maktabgacha ta’lim boshqarmalari orqali o‘quv materiallari bilan bepul ta’minlash”;
104-bandning uchinchi xatboshisidagi “70 foizi” so‘zlari “35 foizi” so‘zlari bilan almashtirilsin.
4. Vazirlar Mahkamasining 2022-yil 2-avgustdagi “Maktabgacha ta’lim sohasida davlat-xususiy sheriklik munosabatlarini zamonaviy raqamli texnologiyalar yordamida soddalashtirish chora-tadbirlari to‘g‘risida”gi 426-son qarorida:
a) 2-ilovada:
11-band quyidagi tahrirda bayon etilsin:
“11. Oilaviy MTTga Davlat budjeti mablag‘lari hisobidan quyidagi subsidiyalar to‘lanadi:
a) 2024-yil 1-avgustdan boshlab Toshkent shahrida faoliyat yuritayotgan oilaviy MTTlar tomonidan yollangan tarbiyachi va tarbiyachi yordamchilariga ish haqini to‘lash uchun — 9 soatlik ish rejimidagi davlat maktabgacha ta’lim tashkilotlarida ushbu xodimlar uchun belgilangan mehnatga haq to‘lash shartlari va miqdorlarida;
b) 2024-yil 1-avgustdan boshlab Qoraqalpog‘iston Respublikasi va viloyatlarning 1 va 2-toifadagi tuman (shahar)larida faoliyat yuritayotgan oilaviy MTTlarga:
ular tomonidan yollangan tarbiyachi va tarbiyachi yordamchilariga ish haqini to‘lash uchun — 9 soatlik davlat maktabgacha ta’lim tashkilotlari uchun belgilangan ish haqining 75 foizi miqdorida;
ularda ta’lim olayotgan har bir bolani ovqatlantirish, yumshoq jihozlar (matraslar, yostiqlar, ko‘rpalar, choyshablar, ko‘rpa va yostiq jildlari, yoping‘ichlar, qop-ko‘rpa) hamda dori-darmonlar bilan ta’minlashga sarflanadigan xarajatlarni qoplash uchun — davlat maktabgacha ta’lim tashkilotlarida belgilangan normativlarning 75 foizi miqdorida;
v) 2024-yil 1-avgustdan boshlab 2025-yil 1-yanvarga qadar 3-toifadagi tuman (shahar)larda faoliyat yuritayotgan oilaviy MTTlarga:
ular tomonidan yollangan tarbiyachi va tarbiyachi yordamchilariga ish haqini to‘lash uchun — 9 soatlik davlat maktabgacha ta’lim tashkilotlari uchun belgilangan ish haqining 90 foizi miqdorida;
ularda ta’lim olayotgan har bir bolani ovqatlantirish, yumshoq jihozlar (matraslar, yostiqlar, ko‘rpalar, choyshablar, ko‘rpa va yostiq jildlari, yoping‘ichlar, qop-ko‘rpa) hamda dori-darmonlar bilan ta’minlashga sarflanadigan xarajatlarni qoplash uchun — davlat maktabgacha ta’lim tashkilotlarida belgilangan normativlarning 90 foizi miqdorida;
g) 2025-yil 1-yanvardan boshlab 3-toifadagi tuman (shahar)larda faoliyat yuritayotgan oilaviy MTTlarga:
ular tomonidan yollangan tarbiyachi va tarbiyachi yordamchilariga ish haqini to‘lash uchun — 9 soatlik davlat maktabgacha ta’lim tashkilotlari uchun belgilangan ish haqining 85 foizi miqdorida;
ularda ta’lim olayotgan har bir bolani ovqatlantirish, yumshoq jihozlar (matraslar, yostiqlar, ko‘rpalar, choyshablar, ko‘rpa va yostiq jildlari, yoping‘ichlar, qop-ko‘rpa) hamda dori-darmonlar bilan ta’minlashga sarflanadigan xarajatlarni qoplash uchun — davlat maktabgacha ta’lim tashkilotlarida belgilangan normativlarning 85 foizi miqdorida;
d) 4 va 5-toifadagi tuman (shahar)larda faoliyat yuritayotgan oilaviy MTTlarga:
ular tomonidan yollangan tarbiyachi va tarbiyachi yordamchilariga ish haqini to‘lash uchun — 9 soatlik davlat maktabgacha ta’lim tashkilotlari uchun belgilangan mehnatga haq to‘lash shartlari va miqdorlarida;
ularda ta’lim olayotgan har bir bolani ovqatlantirish, yumshoq jihozlar (matraslar, yostiqlar, ko‘rpalar, choyshablar, ko‘rpa va yostiq jildlari, yoping‘ichlar, qop-ko‘rpa) hamda dori-darmonlar bilan ta’minlashga sarflanadigan xarajatlarni qoplash uchun — davlat maktabgacha ta’lim tashkilotlarida belgilangan normativlar bo‘yicha;
e) farzandi oilaviy MTTda ta’lim va tarbiya olayotgan boquvchisini yo‘qotgan ayollarning ota-onalar badali to‘lovlarini qoplash uchun — tegishli hududdagi 9 soatlik davlat maktabgacha ta’lim tashkilotlari uchun belgilangan ota-onalar badali to‘lovlari miqdorida”;
quyidagi mazmundagi 171-band bilan to‘ldirilsin:
“171. Oilaviy MTTlarga budjet subsidiyalari muassasaning joylashgan hududidan kelib chiqib mazkur Nizomning 11-bandida keltirilgan tuzatish koeffitsiyentlarini qo‘llagan holda hisoblanadi”;
b) 3-ilovada:
38-bandning to‘rtinchi va yettinchi xatboshilaridagi tegishli kelishikdagi “70 foizi” so‘zlari tegishli kelishikdagi “35 foizi” so‘zlari bilan almashtirilsin;
55-band quyidagi tahrirda bayon etilsin:
“55. Oilaviy MTTga Davlat budjetidan qonunchilikda nazarda tutilgan shartlar va miqdorlarda subsidiyalar ajratiladi”.
5. Vazirlar Mahkamasining 2024-yil 24-iyundagi “Hamjamiyatlarni mustahkamlash va ijtimoiy farovonlikni rivojlantirish markazini tashkil etish to‘g‘risida”gi 350-son qarorining 7-bandi quyidagi tahrirda bayon etilsin:
“7. Markaz Toshkent shahri, Mirobod tumani, Amir Temur shoh ko‘chasi, 17-uy manzilidagi bino va inshootlarda, Maktabgacha va maktab ta’limi vazirligi huzuridagi “Axborot va pedagogika texnologiyalari innovatsion markazi” MChJ — Toshkent shahri, Mirobod tumani, Yangi Zamon 3-tor ko‘chasi 1-uy manzilidagi bino va inshootlarda tekin foydalanish huquqi asosida joylashtirilsin”.
Izoh: mazkur ilovaning 3 va 4-bandlari 2024-yil 1-avgustdan e’tiboran kuchga kiradi.

(Qonunchilik ma’lumotlari milliy bazasi, 04.07.2024-y., 06/24/98/0467-son)