PF-152 30.09.2024

T/r	Chora-tadbirlar nomi	Amalga oshirish mexanizmi	Ijro muddati	Moliyalashtirish manbalari	Mas’ul ijrochilar
I. Maktabgacha ta’limning o‘quv-metodik bazasini takomillashtirish
1.	Maktabga tayyorlov guruhlari va boshlang‘ich ta’limning o‘quv dasturlari uzviyligini ta’minlash.	1. Maktabga tayyorlov guruhlari va boshlang‘ich ta’limning o‘quv dasturlarini ko‘rib chiqish bo‘yicha ishchi guruhni shakllantirish.	2024-yil noyabr	Ijrochilar mablag‘lari	Maktabgacha va maktab ta’limi vazirligi (X. Umarova)
		2. Xalqaro tajribalar asosida maktabga tayyorlov guruhlari va boshlang‘ich ta’limning o‘quv dasturlari uzviyligini ta’minlash maqsadida ushbu dasturlarni qayta ko‘rib chiqish.	2025-yil mart
		3. Takomillashtirilgan o‘quv dasturlarini ta’lim jarayoniga bosqichma-bosqich joriy etish.	2025/2026 o‘quv yilidan boshlab
2.	Maktabgacha ta’limning davlat ta’lim dasturi asosida o‘quv-metodik majmualarni yaratish.	1. Maktabgacha ta’lim tashkilotlari pedagoglari uchun xalqaro standartlar asosida o‘quv-metodik majmualarni yaratish. Bunda: kichik va o‘rta guruhlardagi bolalarda kognitiv, psixomotor va ijtimoiy ko‘nikmalarni rivojlantirishga; katta va maktabga tayyorlov guruhlaridagi bolalarda bilim olish, kommunikativ va ijodiy kompetensiyalarni shakllantirishga alohida e’tibor qaratish.	2025-yil avgust	Maktabgacha va maktab ta’limi vazirligiga ajratilgan mablag‘lar, Ta’lim sohasidagi islohotlarga ko‘maklashish jamg‘armasi mablag‘lari hamda budjetdan tashqari mablag‘lar	Maktabgacha va maktab ta’limi vazirligi (X. Umarova), Iqtisodiyot va moliya vazirligi (I. Norqulov)
		2. Xalqaro tashkilotlar bilan hamkorlikda tarbiyalanuvchilarni rivojlantirishga yo‘naltirilgan xorijiy o‘quv-metodik majmualarni mahalliylashtirish va ushbu o‘quv-metodik majmualarni Maktabgacha va maktab ta’limi vazirligi tizimidagi nashriyot tashkilotlarida nashr etish.	2025-yil avgust
		3. Maktabgacha ta’lim tashkilotlari uchun qo‘shimcha didaktik materiallar va bolalar adabiyotini yaratish hamda ularning Maktabgacha va maktab ta’limi vazirligi tizimidagi nashriyot tashkilotlarida chop etilishini tashkil etish. Bunda qo‘shimcha adabiyotlarni yaratish va chop etishni Ta’lim sohasidagi islohotlarga ko‘maklashish jamg‘armasi mablag‘lari hisobidan amalga oshirish.	2025-yil sentabr
3.	Maktabgacha ta’lim tashkilotlarining reytingini shakllantirish.	Maktabgacha ta’lim tashkilotlarini “Zamonaviy maktabgacha ta’lim tashkiloti” baholash mezoni asosida baholash va ularning reytingini shakllantirish.	2025/2026 o‘quv yilidan boshlab		Maktabgacha va maktab ta’limi vazirligi (X. Umarova), Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari
4.	Umumiy turdagi davlat maktabgacha ta’lim tashkilotlarida inklyuziv ta’lim tizimini rivojlantirish va rag‘batlantirish mexanizmlarini joriy etish.	Inklyuziv ta’lim tizimini rivojlantirish va rag‘batlantirish mexanizmlarini joriy etish yuzasidan amaldagi normativ-huquqiy hujjatlarga tegishli o‘zgartirish va qo‘shimchalar kiritish.	2024-yil dekabr	-	Maktabgacha va maktab ta’limi vazirligi (X. Umarova), Adliya vazirligi (A. Tashkulov)
II. Maktabgacha ta’lim tashkilotlari pedagog kadrlari salohiyatini oshirish
5.	Maktabgacha ta’lim tashkilotlarida “Metodik mahorat kuni” va “Metodik mahorat soati”ni tashkil etish.	1. Tayanch davlat maktabgacha ta’lim tashkilotlari ro‘yxatini shakllantirish.	2024-yil noyabr	-	Maktabgacha va maktab ta’limi vazirligi (X. Umarova), Ta’limni rivojlantirish respublika ilmiy-metodik markazi (Yu. Risyukova)
		2. Maktabgacha ta’lim tashkilotlarida “Metodik mahorat kuni” va “Metodik mahorat soati”ni tashkil etish tartibini tasdiqlash. Bunda: “Metodik mahorat kuni” va “Metodik mahorat soati”ni tashkil etish uchun har bir tuman (shahar)da maktabgacha ta’lim tashkilotlarining direktor o‘rinbosarlaridan iborat trenerlar guruhini shakllantirishni; malakali xorijiy mutaxassislarni jalb qilgan holda trenerlar uchun alohida tayyorlov kurslari tashkil etilishini; trener sifatida faoliyat yuritayotgan direktor o‘rinbosarlari va pedagoglarga tegishli tuman (shahar) maktabgacha va maktab ta’limi bo‘limlari huzuridagi maktabgacha va maktab ta’limi tashkilotlari xodimlarini rag‘batlantirish jamg‘armalari hisobidan lavozim maoshining 20 foizi miqdorida qo‘shimcha har oylik ustama haq to‘lashni nazarda tutish.	2024-yil dekabr
		3. Pedagoglarni kasbiy rivojlantirishning namunaviy dasturini tasdiqlash.	2024-yil dekabr
6.	Oliy ta’lim muassasalarida bakalavriatning maktabgacha ta’lim yo‘nalishi bo‘yicha dual ta’lim tizimini joriy etish.	Maktabgacha ta’lim yo‘nalishida ta’lim olayotgan talabalarni dual ta’lim asosida o‘qitish mexanizmini ishlab chiqish. Bunda bir haftada kamida ikki kun oliy ta’lim muassasasida ta’lim dasturining nazariy va o‘quv qismi o‘tilishini, qolgan kunlari maktabgacha ta’lim tashkilotida amaliy qismlari o‘tkazilishini nazarda tutish.	2025-yil may	Ijrochilar mablag‘lari	Oliy ta’lim, fan va innovatsiyalar vazirligi (K. Sharipov), Maktabgacha va maktab ta’limi vazirligi (X. Umarova)
7.	Nodavlat maktabgacha ta’lim tashkilotlari pedagoglarining kasbiy salohiyatini oshirish choralarini ko‘rish.	1. Nodavlat maktabgacha ta’lim tashkilotlari pedagoglarining kasbiy salohiyatini oshirish yuzasidan malaka oshirish kurslari va o‘quv seminarlari tashkil etish.	2025-yil mart	Ijrochilar mablag‘lari	Maktabgacha va maktab ta’limi vazirligi (X. Umarova)
7.		2. Olis va chekka hududlarda joylashgan maktabgacha ta’lim tashkilotlari pedagog kadrlari uchun tajriba-sinov tariqasida 4 ta auditoriya ko‘rinishidagi avtobuslar negizida pullik mobil malaka oshirish xizmatlarini yo‘lga qo‘yish.	2025-yil mart	Ijrochilar mablag‘lari	Maktabgacha va maktab ta’limi vazirligi (X. Umarova)
8.	“Oliy ta’lim — professional ta’lim — maktabgacha ta’lim” tamoyili asosida ta’lim klasterini tajriba-sinov tariqasida joriy etish.	“Oliy ta’lim — professional ta’lim — maktabgacha ta’lim” tamoyili asosida pedagoglarni tayyorlash va ularning kasbiy mahoratini oshirish tizimini tajriba-sinov tariqasida joriy etish. Bunda: Nizomiy nomidagi Toshkent davlat pedagogika universitetiga pedagogika texnikumlari va maktabgacha ta’lim tashkilotlarini biriktirish; biriktirilgan ta’lim tashkilotlarida maktabgacha ta’lim pedagoglari uchun ta’lim sohasida yangiliklar, nazariy ishlanmalar va ilg‘or xorijiy tajribalarni joriy etish, kasbiy mahoratini doimiy oshirib borish uchun sharoit yaratish; maktabgacha ta’lim yo‘nalishida ilmiy ish olib boruvchi izlanuvchilar, yangi tajriba va metodikalarni joriy etayotgan amaliyotchilar uchun doimiy eksperimental maydoncha yaratish.	2025-yil yanvar	Ijrochilar mablag‘lari	Maktabgacha va maktab ta’limi vazirligi (X. Umarova), Oliy ta’lim, fan va innovatsiyalar vazirligi (K. Sharipov)
III. Maktabgacha ta’lim tashkilotlari tarmog‘ini kengaytirish
9.	Zamonaviy talablardan kelib chiqqan holda maktabgacha ta’lim tashkilotlarining idoraviy qurilish normalarini qayta ko‘rib chiqish.	Maktabgacha ta’lim tashkilotlarining idoraviy qurilish normalarini qayta ko‘rib chiqish. Bunda maktabgacha ta’lim tashkilotlari binolarini zamonaviy, energiya tejamkor, ekologik toza qurilish materiallaridan foydalangan holda qurilishiga alohida e’tibor qaratish.	2024-yil dekabr	-	Qurilish va uy-joy kommunal xo‘jaligi vazirligi (Sh. Xidoyatov), Maktabgacha va maktab ta’limi vazirligi (X. Umarova)
10.	Umumiy o‘rta ta’lim muassasalarining foydalanilmasdan bo‘sh turgan yer uchastkalarida davlat-xususiy sheriklik asosida nodavlat maktabgacha ta’lim tashkilotlarini tashkil etish.	1. Maktabgacha ta’lim tashkilotlari mavjud bo‘lmagan, navbatliligi yuqori bo‘lgan mahallalardagi umumiy o‘rta ta’lim muassasalarining foydalanilmasdan bo‘sh turgan yer uchastkalarida davlat-xususiy sheriklik asosida nodavlat maktabgacha ta’lim tashkilotlarini tashkil etish uchun tanlovlar e’lon qilish.	2025-yil fevral	Maktabgacha va maktab ta’limi vazirligiga ajratilgan mablag‘lar	Maktabgacha va maktab ta’limi vazirligi (X. Umarova), Iqtisodiyot va moliya vazirligi (J. Qo‘chqorov)
10.		2. Tanlov g‘oliblari bilan O‘zbekiston Respublikasi Prezidentining 2018-yil 5-apreldagi “Maktabgacha ta’lim tizimini yanada rag‘batlantirish va rivojlantirish chora-tadbirlari to‘g‘risida”gi PQ-3651-son qarori talablari asosida bitim tuzish.	Qonunchilik hujjatlarida belgilangan muddatlarda
11.	Davlat oliy ta’lim muassasalariga bo‘sh turgan yer uchastkalarida davlat maktabgacha ta’lim tashkilotlarini barpo etish huquqini berish.	1. Davlat oliy ta’lim muassasalarining bo‘sh turgan yer uchastkalarida davlat maktabgacha ta’lim tashkilotlarini qurish bo‘yicha loyihalarni amalga oshirish. Bunda davlat maktabgacha ta’lim tashkilotlarini qurish va jihozlash xarajatlarini davlat oliy ta’lim muassasalarining budjetdan tashqari mablag‘lari hisobidan, ularni saqlash xarajatlarini esa Maktabgacha va maktab ta’limi vazirligiga ajratiladigan Davlat budjeti mablag‘lari hisobidan amalga oshirishni nazarda tutish.	2025-yil avgust	Ijrochilar va budjet mablag‘lari	Oliy ta’lim, fan va innovatsiyalar vazirligi (K. Sharipov), Maktabgacha va maktab ta’limi vazirligi (X. Umarova), Iqtisodiyot va moliya vazirligi (J. Qo‘chqorov)
11.		2. Davlat oliy ta’lim muassasalari huzuridagi davlat maktabgacha ta’lim tashkilotlariga ushbu muassasalar xodimlari va talabalarining farzandlarini ustuvor ravishda qabul qilish tartibini joriy etish.	2026-yil yanvar	Ijrochilar va budjet mablag‘lari
IV. Maktabgacha ta’lim tashkilotlarida sog‘lom ovqatlantirishni tashkil etish
12.	Davlat maktabgacha ta’lim tashkilotlari tarbiyalanuvchilarining oqsil, vitamin va minerallar bilan boyitilgan mahsulotlar bilan ovqatlanishini tashkil etish.	1. Davlat maktabgacha ta’lim tashkilotlari tarbiyalanuvchilari uchun oqsil, vitamin va minerallar bilan boyitilgan qadoqlangan yoki quritilgan sut mahsulotlarini xarid qilishni tashkil etish. 2. Davlat maktabgacha ta’lim tashkilotlarini sifatli non mahsulotlari bilan ta’minlash maqsadida: tuman (shahar) maktabgacha va maktab ta’limi bo‘limlari tomonidan ishlab chiqaruvchi va yetkazib beruvchi davlat maktabgacha ta’lim tashkilotlari uchun non mahsulotlarini tayyorlashda yodlangan tuz ishlatilganligini tasdiqlovchi hujjatlarni (yetkazib beriladigan non mahsulotlarining har bir turkumi uchun) talab qilib olish tartibini joriy qilish; ishlab chiqaruvchi va yetkazib beruvchilar zimmasiga davlat maktabgacha ta’lim tashkilotlariga yetkazib beriladigan non mahsulotlarini haftada kamida bir marotaba akkreditatsiyadan o‘tgan laboratoriyalarda sinovdan o‘tkazib, non mahsulotlari tarkibidagi zarur elementlar mavjudligi to‘g‘risida xulosa nusxasini buyurtmachiga taqdim etish vazifasini yuklash.	2024-yil noyabr	Mahalliy budjet mablag‘lari	Maktabgacha va maktab ta’limi vazirligi (X. Umarova)
13.	Davlat maktabgacha ta’lim tashkilotlarida tarbiyalanuvchilarning sifatli ovqatlanishini ta’minlash jarayonlarini hamda ularga yetkazib berilayotgan mahsulotlarning sifatini nazorat qilish mexanizmlarini takomillashtirish.	Maktabgacha va maktab ta’limi tizimida sifatli va xavfsiz ovqatlanish tizimini joriy etish maqsadida Maktabgacha va maktab ta’limi vazirligi huzurida Ta’lim sohasida ovqatlanishni tashkil etish markazi faoliyatini yo‘lga qo‘yish bo‘yicha takliflarni Vazirlar Mahkamasi kiritish.	2024-yil dekabr	-	Maktabgacha va maktab ta’limi vazirligi (X. Umarova), Iqtisodiyot va moliya vazirligi (J. Qo‘chqorov)
V. Maktabgacha ta’lim tizimini raqamlashtirish
14.	Davlat-xususiy sheriklik asosida tashkil etiladigan nodavlat maktabgacha ta’lim tashkilotlari bilan tuziladigan bitimlarni elektron shaklda imzolash tartibini joriy etish.	Nodavlat maktabgacha ta’lim tashkilotlarini boshqarish axborot tizimida (keyingi o‘rinlarda — axborot tizimi) davlat-xususiy sheriklik asosida nodavlat maktabgacha ta’lim tashkilotlarini tashkil etish uchun elektron arizalarni qabul qilish tizimini joriy etish. Bunda Maktabgacha va maktab ta’limi vazirligi tomonidan davlat-xususiy sheriklik asosida nodavlat maktabgacha ta’lim tashkilotlari tashkil etish uchun taqdim etilgan arizalarga ijobiy xulosa berilganidan so‘ng axborot tizimida avtomatik ravishda davlat-xususiy sheriklik to‘g‘risidagi bitimni shakllantirish va imzolash uchun xususiy sherikka elektron shaklda jo‘natishni nazarda tutish.	2024-yil noyabr	-	Maktabgacha va maktab ta’limi vazirligi (X. Umarova)
15.	Maktabga tayyorlov guruhlarini tamomlagan bolalarga ularning rivojlanish xaritasi asosida bir yillik maktabga tayyorlovdan o‘tganlik haqida elektron sertifikat berishni yo‘lga qo‘yish.	Maktabga tayyorlov guruhlarini tamomlagan bolalarga bir yillik maktabga tayyorlovdan o‘tganlik haqida elektron sertifikat berish tartibini belgilovchi nizomni tasdiqlash.	2026/2027 o‘quv yilidan boshlab	-	Maktabgacha va maktab ta’limi vazirligi (X. Umarova)

O‘zbekiston Respublikasi Prezidentining 2024-yil 30-sentabrdagi PF-152-son Farmoniga
2-ILOVA

O‘zbekiston Respublikasi Prezidentining ayrim hujjatlariga kiritilayotgan o‘zgartirish va qo‘shimchalar

1. O‘zbekiston Respublikasi Prezidentining 2022-yil 11-maydagi “2022 — 2026-yillarda maktab ta’limini rivojlantirish bo‘yicha milliy dasturni tasdiqlash to‘g‘risida”gi PF-134-son Farmonida:

a) 3-band o‘z kuchini yo‘qotgan deb hisoblansin;

b) 1-ilovaning 1 — 3 va 30-pozitsiyalari chiqarib tashlansin.

2. O‘zbekiston Respublikasi Prezidentining 2023-yil 26-maydagi “Maktabgacha va maktab ta’limi vazirligi hamda uning tizimidagi tashkilotlar faoliyatini samarali tashkil etish chora-tadbirlari to‘g‘risida”gi PF-79-son Farmonida:

a) 3-bandning “e” kichik bandidagi “oliy ma’lumotli pedagog xodimlarining” so‘zlari “oliy ma’lumotli tarbiyachi va o‘qituvchilarining” so‘zlari bilan almashtirilsin;

b) Maktabgacha va maktab ta’limi vazirligining tashkiliy tuzilmasidan “Respublika pedagogik ta’lim resurs markazi (kutubxona),” so‘zlari chiqarib tashlansin.

3. O‘zbekiston Respublikasi Prezidentining 2018-yil 5-apreldagi “Maktabgacha ta’lim tizimini yanada rag‘batlantirish va rivojlantirish chora-tadbirlari to‘g‘risida”gi PQ-3651-son qarorida:

a) 4-bandning to‘rtinchi xatboshisidagi “Maktabgacha ta’lim agentligi” so‘zlari “Maktabgacha va maktab ta’limi vazirligi 2024-yil 1-oktabrdan boshlab” so‘zlari bilan almashtirilsin;

b) 1-ilovada:

2-bandning beshinchi xatboshisi quyidagi tahrirda bayon etilsin:

“davlat sherigi — Maktabgacha va maktab ta’limi vazirligi (Qoraqalpog‘iston Respublikasi hududida — Qoraqalpog‘iston Respublikasi Maktabgacha va maktab ta’limi vazirligi)”;

27-band quyidagi tahrirda bayon etilsin:

“27. Davlat-xususiy sheriklik loyihasining konsepsiyasi tasdiqlangandan hamda bitim imzolangandan keyin uch kalendar kuni mobaynida davlat sherigi rasmiy tartibda uch nusxadan iborat loyiha konsepsiyasi, loyihani baholash hujjatlari va bitimni elektron axborot almashinuvi tizimi orqali O‘zbekiston Respublikasi Iqtisodiyot va moliya vazirligiga DXSH loyihalarining reyestriga kiritish uchun taqdim qiladi”;

33-bandning oltinchi xatboshisi quyidagi tahrirda bayon etilsin:

“nodavlat maktabgacha ta’lim tashkilotlarining bino va inshootlarini qurish, rekonstruksiya qilish, ta’mirlash va jihozlash uchun imtiyozli kredit olishga”;

35-band quyidagi tahrirda bayon etilsin:

“35. Davlat-xususiy sheriklikka asoslangan nodavlat maktabgacha ta’lim tashkilotlari tashkilot, uning xodimlari va tarbiyalanuvchilari to‘g‘risidagi ma’lumotlarni o‘zgargan vaqtdan boshlab bir ish kuni ichida Maktabgacha va maktab ta’limi vazirligining axborot tizimiga (keyingi o‘rinlarda — axborot tizimi) kiritib borilishini ta’minlaydilar.

Nodavlat maktabgacha ta’lim tashkilotlarida bo‘sh joylarning elektron hisobini yuritish, ijtimoiy ko‘makka muhtoj oilalar va maxsus kontingent uchun ajratilgan kvotalar bo‘yicha yo‘llanmalarni (keyingi o‘rinlarda — yo‘llanma) shakllantirish va bu yo‘llanmalar asosida bolalarni tashkilotlarga qabul qilish bo‘yicha elektron navbatni shakllantirish axborot tizimi tomonidan avtomatik ravishda amalga oshiriladi.

Nodavlat maktabgacha ta’lim tashkiloti imtiyozli shartlarda ta’lim oladigan bolalarni yo‘llanma asosida qabul qiladi.

Nodavlat maktabgacha ta’lim tashkilotiga imtiyozsiz qabul qilinadigan bolalar uchun yo‘llanma olinmaydi, ushbu bolalar haqida ma’lumot axborot tizimiga xususiy sheriklar tomonidan kiritib boriladi”;

99-band quyidagi tahrirda bayon etilsin:

“99. 50 nafargacha bolani tarbiyalashni nazarda tutuvchi oilaviy nodavlat maktabgacha ta’lim tashkilotlarini moddiy-texnik va uslubiy jihatdan ta’minlash shaklidagi davlat-xususiy sheriklik loyihasi bitimi xususiy sherikning tashabbusi bilan tanlov o‘tkazilmay axborot tizimi orqali elektron shaklda tuziladi va taraflarning elektron raqamli imzosi bilan tasdiqlanadi”;

100-band quyidagi mazmundagi uchinchi — sakkizinchi xatboshilar bilan to‘ldirilsin:

“Ariza qonunchilikda belgilangan tartibda mas’ul idoralar tomonidan ko‘rib chiqiladi.

Ariza axborot tizimi orqali shakllantirilgandan so‘ng:

xususiy sherikning arizada ko‘rsatilgan elektron pochta manzili yoki mobil telefon raqamiga, arizaning ID-raqami va ariza qabul qilingan sana va vaqti ko‘rsatilgan holda ma’lumot jo‘natiladi;

oilaviy nodavlat maktabgacha ta’lim tashkilotining joylashuvi bo‘yicha tegishli tuman (shahar) Sanitariya-epidemiologiya xizmati hamda Davlat yong‘in nazorati organiga axborot tizimi orqali elektron so‘rovlar jo‘natilib, 3 (uch) ish kuni ichida tegishli xulosalar olinadi.

Ijobiy xulosalar olingan taqdirda davlat sherigi 10 ish kuni mobaynida rejalashtirilayotgan hududda 3 — 7 yoshdagi bolalar soni, o‘sha hududda mavjud davlat va nodavlat maktabgacha ta’lim tashkilotlari, qamralgan va qamralmagan bolalar soni bo‘yicha ma’lumotlardan kelib chiqib hamda oilaviy nodavlat maktabgacha ta’lim tashkilotlariga subsidiyalar ajratish uchun tegishli moliya yilida Davlat budjetida nazarda tutilgan mablag‘lar hajmini hisobga olgan holda oilaviy nodavlat maktabgacha ta’lim tashkilotlari tashkil etilishi maqsadga muvofiqligi yoki muvofiq emasligi bo‘yicha ma’lumotni axborot tizimiga kiritadi.

Oilaviy nodavlat maktabgacha ta’lim tashkilotini tashkil etish to‘g‘risidagi ariza rad etilganida, bu haqda rad etish sabablari aniq ko‘rsatilgan holda, arizada ko‘rsatilgan elektron pochta manzili yoki mobil telefon raqamiga SMS-xabar yuborish orqali xususiy sherikka ma’lum qilinadi”;

101-bandning birinchi xatboshisi quyidagi tahrirda bayon etilsin:

“101. Oilaviy nodavlat maktabgacha ta’lim tashkiloti tashkil etilishi rad etilmasa, xususiy sherik axborot tizimi orqali bitimga elektron imzo qo‘yadi hamda bitim elektron imzo qo‘yish uchun davlat sherigiga avtomatik ravishda yuboriladi”;

115-band o‘z kuchini yo‘qotgan deb hisoblansin;

116-band quyidagi tahrirda bayon etilsin:

“116. Xususiy sherik xodimlari va tarbiyalanuvchilarining davomati bo‘yicha qayd etilgan elektron ma’lumotlar axborot tizimida avtomatik ravishda shakllanadi”.

4. O‘zbekiston Respublikasi Prezidentining 2019-yil 8-maydagi “O‘zbekiston Respublikasi maktabgacha ta’lim tizimini 2030-yilgacha rivojlantirish konsepsiyasini tasdiqlash to‘g‘risida”gi PQ-4312-son qarorida:

a) 2-bandning birinchi xatboshisidagi “Maktabgacha ta’lim vazirligi” so‘zlari “Maktabgacha va maktab ta’lim vazirligi” so‘zlari bilan almashtirilsin;

b) 3-bandning uchinchi xatboshisidagi “Maktabgacha ta’lim vazirligi huzuridagi Maktabgacha ta’limni rivojlantirish jamg‘armasi” so‘zlari “Maktabgacha va maktab ta’lim vazirligi huzuridagi Ta’lim sohasidagi islohotlarga ko‘maklashish jamg‘armasi” so‘zlari bilan almashtirilsin;

v) 4-banddagi “Moliya vazirligi” so‘zlari “Iqtisodiyot va moliya vazirligi” so‘zlari bilan almashtirilsin;

g) 5-bandning uchinchi xatboshisidagi “maktabgacha ta’lim vaziri A.V. Shinga” so‘zlari “maktabgacha va maktab ta’limi vaziri X.U. Umarovaga” so‘zlari bilan almashtirilsin;

d) 1-ilovada:

4-paragrafning uchinchi xatboshisidagi “Maktabgacha ta’lim vazirligi” so‘zlari “Maktabgacha va maktab ta’limi vazirligi” so‘zlari bilan almashtirilsin;

5-paragrafning to‘qqizinchi xatboshisidagi “Maktabgacha ta’lim vazirligi” so‘zlari “Vazirlik” so‘zi bilan almashtirilsin;

ilovaning matni quyidagi tahrirda bayon etilsin:

“Konsepsiyada nazarda tutilgan tadbirlarni o‘z vaqtida, sifatli va to‘laqonli ijro etish bo‘yicha vakolatli organlarning faoliyatini baholash indikatorlari

T/r	Ko‘rsatkich	Axborot manbalari	Kesimi
Maktabgacha ta’lim bilan qamrab olingan 3 — 7 yoshdagi bolalar
1.	Maktabgacha ta’lim tashkilotlari (keyingi o‘rinlarda — MTT) soni	MMTV va Statistika agentligi ma’lumotlari	Viloyatlar, tumanlar va shaharlar bo‘yicha
2.	Ularning umumiy sonida nodavlat MTT ulushi	MMTV va Statistika agentligi ma’lumotlari	Viloyatlar, tumanlar va shaharlar bo‘yicha
3.	Amaldagi oilaviy MTTlar soni	MMTV va Statistika agentligi ma’lumotlari	Viloyatlar, tumanlar va shaharlar bo‘yicha
4.	MTTga qatnaydigan bolalar soni	MMTV va Statistika agentligi ma’lumotlari	Viloyatlar, tumanlar va shaharlar bo‘yicha
5.	Tarbiyalanuvchilar umumiy sonida nodavlat MTTga qatnaydigan bolalar ulushi	MMTV ma’lumotlari	Viloyatlar, tumanlar va shaharlar bo‘yicha
6.	Oilaviy nodavlat MTTga qatnaydigan bolalar soni	MMTV ma’lumotlari	Viloyatlar, tumanlar va shaharlar bo‘yicha
7.	Tarbiyalanuvchilar umumiy sonida oilaviy nodavlat MTTga qatnaydigan bolalar ulushi	MMTV ma’lumotlari	Viloyatlar, tumanlar va shaharlar bo‘yicha
8.	MTTdagi joylar soni	3-4 yosh va 5-6 yoshli bolalar uchun joylar bo‘yicha alohida hisobga olinadigan MMTV ma’lumotlari	Viloyatlar, tumanlar va shaharlar bo‘yicha
9.	Ularning umumiy sonida nodavlat MTTdagi joylarning ulushi	3-4 yosh va 5-6 yoshli bolalar uchun joylarni alohida hisobga olgan holda MMTV ma’lumotlari	Viloyatlar, tumanlar va shaharlar bo‘yicha
10.	3-4 yosh va 5-6 yoshdagi bolalarning maktabgacha ta’lim xizmatlari bilan qamrab olinishi (MTTga qatnovchi bolalar sonining shu yoshdagi bolalarning doimiy aholi tarkibidagi umumiy soniga foizli nisbati)	MMTV va Statistika agentligi (demografik statistika)	Viloyatlar, tumanlar va shaharlar bo‘yicha
Kadrlar salohiyati ko‘rsatkichlari
11.	MTT pedagog xodimlari soni	MMTV ma’lumotlari	Viloyatlar, tumanlar va shaharlar bo‘yicha
12.	Oliy ma’lumotli pedagog xodimlar ulushi	OTFIV va MMTV ma’lumotlari	MTT, tumanlar va shaharlar bo‘yicha
13.	So‘nggi 5 yil ichida malakasini oshirgan MTT pedagog xodimlari ulushi	MMTV ma’lumotlari	MTT, tumanlar va shaharlar bo‘yicha
14.	Davlat MTT pedagog xodimlari o‘rtacha ish haqining mamlakat bo‘yicha o‘rtacha ish haqiga nisbati	Bandlik vazirligi va MMTV ma’lumotlari	Viloyatlar bo‘yicha
15.	5-6 yoshdagi tarbiyalanuvchilar guruhlari bilan ishlaydigan bitta pedagogga to‘g‘ri keladigan 5-6 yoshdagi tarbiyalanuvchilar soni	MMTV ma’lumotlari	Viloyatlar, tumanlar va shaharlar bo‘yicha
16.	MTTdagi bo‘sh ish o‘rinlari soni	MTT ma’lumotlari	Tumanlar va shaharlar bo‘yicha
Bolalarning rivojlanishi va ularning umumiy boshlang‘ich ta’limga tayyorligi darajasi ko‘rsatkichlari
17.	MTTni bitirgan hamda O‘zbekiston Respublikasi erta va maktabgacha yoshdagi bolalarning rivojlanishiga Davlat talablarida hamda “Ilk qadam” Davlat o‘quv dasturida nazarda tutilgan maktabga tayyorlikning eng past darajasidan ham past rivojlanish ko‘rsatkichlariga ega 6-7 yoshdagi bolalarning ulushi	Har bir o‘quv yili yakunlari bo‘yicha MTT tarbiyalanuvchilari haqida ma’lumotlar natijalarini to‘plash	Viloyatlar, tumanlar va shaharlar bo‘yicha
18.	Birinchi yillik attestatsiya yakunlariga ko‘ra qoniqarsiz baho olgan umumiy boshlang‘ich ta’lim muassasalari o‘quvchilarining ulushi	MMTV ma’lumotlari	Viloyatlar, tumanlar va shaharlar bo‘yicha
Bolalarga tibbiy xizmat ko‘rsatish ko‘rsatkichlari
19.	Maktabga chiqqanda rivojlanishidagi oqsoqliklar yoki surunkali kasalliklar birinchi marta aniqlangan bolalar soni	SSV va MMTV ma’lumotlari	Viloyatlar, tumanlar va shaharlar bo‘yicha
20.	Tibbiy ko‘rsatmalarga ko‘ra tibbiy xizmat ko‘rsatilayotgan va parvarishlanayotgan maxsus ehtiyojli MTT tarbiyalanuvchilari ulushi	Ijtimoiy himoya milliy agentligi va Tibbiy-ijtimoiy xizmatlarni rivojlantirish agentligi ma’lumotlari	Viloyatlar, tumanlar va shaharlar bo‘yicha
21.	O‘quv yili davomida kamida bir marta pediatrning profilaktik ko‘rigidan o‘tgan MTT tarbiyalanuvchilari soni	SSV va MMTV ma’lumotlari	Viloyatlar, tumanlar va shaharlar bo‘yicha
22.	MTTda bo‘lgan paytda bolalarning yuqumli kasalliklarni yuqtirishi hollari soni	SSV ma’lumotlari	Viloyatlar, tumanlar va shaharlar bo‘yicha
23.	MTTda bo‘lgan paytda bolalarning ovqatdan zaharlanishi va jarohat olishi hollari soni	SSV ma’lumotlari	Viloyatlar, tumanlar va shaharlar bo‘yicha
			”.

5. O‘zbekiston Respublikasi Prezidentining 2021-yil 10-iyundagi “Qamrov darajasi past bo‘lgan tumanlarda maktabgacha ta’lim tashkilotlari tarmog‘ini kengaytirish bo‘yicha qo‘shimcha chora-tadbirlar to‘g‘risida”gi PQ-5144-son qarorining 5-bandida:

ikkinchi xatboshidagi “4 nafargacha” so‘zlari “4,5 tagacha shtat birligida” so‘zlari bilan almashtirilsin;

uchinchi xatboshidagi “2 nafargacha, boshqa hududlarda — 4 nafargacha” so‘zlari “2,5 tagacha, boshqa hududlarda — 4,5 tagacha shtat birligida” so‘zlari bilan almashtirilsin.

6. O‘zbekiston Respublikasi Prezidentining 2022-yil 30-dekabrdagi “O‘zbekiston Respublikasining “2023-yil uchun O‘zbekiston Respublikasining Davlat budjeti to‘g‘risida”gi Qonuni ijrosini ta’minlash chora-tadbirlari to‘g‘risida”gi PQ-471-son qarorining 9-bandi quyidagi tahrirda bayon etilsin:

“9. 2025-yil 1-yanvardan 2026-yil 1-yanvarga qadar davlat maktabgacha ta’lim tashkilotlarida bola ta’minoti uchun ota-onalar to‘lovi miqdorlariga nisbatan tumanlarning toifasidan kelib chiqib, quyidagi kamaytiruvchi koeffitsiyentlar qo‘llanilsin:

5-toifadagi tumanlarda — 25 foiz;

4-toifadagi tumanlarda — 25 foiz;

3-toifadagi tumanlarda (shahar aholi punktlaridan tashqari) — 15 foiz”.

7. O‘zbekiston Respublikasi Prezidentining 2023-yil 27-sentabrdagi “Maktabgacha ta’lim sohasida davlat-xususiy sheriklikni yanada qo‘llab quvvatlashga oid qo‘shimcha chora-tadbirlar to‘g‘risida”gi PQ-316-son qarori 3-bandining ikkinchi xatboshisidagi “2024-yil 1-iyulga” so‘zlari “2025-yil 1-martga” so‘zlari bilan almashtirilsin.

Izoh: mazkur ilovaning 6-bandi 2025-yil 1-yanvardan e’tiboran kuchga kiradi.

O‘zbekiston Respublikasi Prezidentining 2024-yil 30-sentabrdagi PF-152-son Farmoniga
3-ILOVA

O‘zbekiston Respublikasi Prezidentining o‘z kuchini yo‘qotgan deb e’tirof etilayotgan ayrim hujjatlari

ro‘yxati

1. O‘zbekiston Respublikasi Prezidentining 2017-yil 30-sentabrdagi “Maktabgacha ta’lim tizimi boshqaruvini tubdan takomillashtirish chora-tadbirlari to‘g‘risida”gi PF-5198-son Farmoni.

2. O‘zbekiston Respublikasi Prezidentining 2021-yil 9-noyabrdagi “O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish to‘g‘risida”gi PF-3-son Farmoniga ilovaning 26-bandi.

3. O‘zbekiston Respublikasi Prezidentining 2016-yil 29-dekabrdagi “2017 — 2021-yillarda maktabgacha ta’lim tizimini yanada takomillashtirish chora-tadbirlari to‘g‘risida”gi PQ-2707-son qarori.

4. O‘zbekiston Respublikasi Prezidentining 2017-yil 9-sentabrdagi “Maktabgacha ta’lim tizimini tubdan takomillashtirish chora-tadbirlari to‘g‘risida”gi PQ-3261-son qarori.

5. O‘zbekiston Respublikasi Prezidentining 2018-yil 2-iyuldagi “2018-yilda maktabgacha ta’lim muassasalarini qurish, rekonstruksiya qilish va kapital ta’mirlash manzilli dasturi to‘g‘risida”gi PQ-3822-son qarori.

6. O‘zbekiston Respublikasi Prezidentining 2018-yil 30-sentabrdagi “Maktabgacha ta’lim tizimini boshqarishni takomillashtirish chora-tadbirlari to‘g‘risida”gi PQ-3955-son qarorining 3-bandi “a” kichik bandi.

7. O‘zbekiston Respublikasi Prezidentining 2019-yil 30-dekabrdagi “O‘zbekiston Respublikasining “2020-yil uchun O‘zbekiston Respublikasining Davlat budjeti to‘g‘risida”gi Qonuni ijrosini ta’minlash chora-tadbirlari to‘g‘risida”gi PQ-4555-son qaroriga 7-ilovaning 1-bandi.

8. O‘zbekiston Respublikasi Prezidentining 2020-yil 8-oktabrdagi “Toshkent shahrida “A.I. Gersen nomidagi Rossiya davlat pedagogika universiteti” Federal davlat budjeti oliy ta’lim muassasasi filialini tashkil etish to‘g‘risida”gi PQ-4857-son qaroriga 3-ilovaning 1 va 9-bandlari.

(Qonunchilik ma’lumotlari milliy bazasi, 04.10.2024-y., 06/24/152/0773-son; 21.03.2025-y., 06/25/51/0261-son; 29.04.2025-y., 06/25/73/0389-son)